كلمات قصيدة منطقي هشام الجخ

منطقي الحساد حتكتر،، والعدا والكارهين
واللي هيقولك ده شاعر واللي هيقولك ده ساحر
واللي هيقولك ده كافر ,, واللي يكتب ,, واللي يرسم
واللي يكدب واللي يشتم ,, منطقي
هي غيرة زي غيرة الوليد بن المغيرة
مش كان حيسلم ,,؟ بس حاجة في نفسه حكت
كبره خلآً نفسه شكًت اصل داء الكبر ده اكبر خطر
بس يعني الجنة تعمر وحدها ؟؟
حبة في الجنة ,,
كل القلوب الي الحبيب تميلٌ
ومعي بذلك شاهدٌ ودليل
اما الدليل إذا ذكرت محمداً صارت دموع العاشقين تسيلٌ
ومنطقي لمّا يبقوا المسلمين حالهم كده
تطلع ضوافر للعِدا
ما دُمت مش زارع بإيدك غَلّتَكْ
والجوع قَرَص على معدتَكْ فذَلِّتَكْ
ما دمت متشتّت وتايِه فى الكلام
فين الودان اللي هتسمع شكوتَكْ ؟!
ومنين يجيلك وش تحمى ولا تغضب ولا ترفع كلمتك
هما مش قاصدين يهينوا المصطفى بحبة صور
هما عارفين ان سيدنا النبي سيد البشر
هما قاصدينك وقاصدني وقاصدين كل جيلنا
وطول ما بنكسل و نتفرق و بنداري الحقايق
لسة ياما راح يجيلنا
كل القلوب الي الحبيب تميل ومعي بذلك شاهد و دليل
أما الدليل اذا ذكرت محمد صارت دموع العاشقين تسيل
لو كانوا حضروه كانوا عرفوا يرسموه
كانوا هيسموه بعدله و بسماحته و بهدوءه
كانوا شافوا ان الصحابة بتلحق المايًة “المياه” للي بتنزل من وضوءه
لو كانوا حضروه كانوا عرفوا يرسموه
احنا مارسمناش نبينا في العيون
احنا فهمناهم ان الدين بتاعنا لا فيه علوم ولا فيه عمل ولا فيه أدب ولا فيه فنون
اتلهينا في احنا كنا واحنا كنا واحنا كنا واحنا كنا ونمنا في اللي راح يكون
بس احنا فوقنا احنا فقنا بجد آسفينلك وراجعينلك شعبك نشيط عامل وصافي وتقي
زيك يا سيدنا المصطفى يابو قلب طاهر نقي
اما اللي وكلاهم غيرتهم فده منطقي
فـ مبلغ العلم فيه انه بشرٌ وانه خير خلق الله كله
فأنسب الي ذاته ما شئت من شرف
وأنسب الي قدره ما شئت من عظم
مولاي صلي وسلم دائماً أبداً على حبيبك خير خلقك كله
عليه أفضل الصلاة والسلام
منطقي

اضف رد

لن يتم نشر البريد الإلكتروني . الحقول المطلوبة مشار لها بـ *

*