كلمات قصيدة مش طبيعي – هشام الجخ

لما يغرق مركبي وانا سايقه فجأة
ولما تنهي قصتي وانا لسة بادئة
لما تنكر تضحياتي
ولما اوهب لك حياتي
و ازرع الدنيا ف عيونك ورد يطرح من ربيعي

و التقاك بتقول لي ضيعي
مش طبيعي

فين كلامك عن حياتنا
فين سعادتك وانت بتلاعب ولادنا
وعنيك تغير كل ألوان الحاجات
طلقتني ونسيت معايا الذكريات

انا لسه فاكراك وانت بتقول لي احلمي
وانا لسة فاكراك وانت بتقول لي ارسمي

بس مش حاقبل اكون برواز خشب ع الحيطة يقدم يترمي
كان الطبيعي وانت بتقول لي احلمي
وانت بتقول لي ارسمي
تقول لي بيعي
مش طبيعي

اضف رد

لن يتم نشر البريد الإلكتروني . الحقول المطلوبة مشار لها بـ *

*